Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

Әлемді танытқан алты нүкте

Зағип және нашар көретін азаматтардың қалалық арнаулы кітапханасы Қазақ зағиптар қоғамының 85 жылдығына арнап «Әлемді танытқан алты нүкте» атты Брайль жүйесі бойынша оқу және жазу облыстық сайыс өткізді.

Мақсаты: Брайль жүйесін насихаттау, нүктелі бедерлі кітаптарды оқуға тарту. Сайысқа Көкшетау қаласы мен Ақмола облысы: Атбасар ауданы Мариновка ауылы, Степногорск қаласы, сонымен қатар ең алғаш рет сайысқа Давыдова Вероника, Байкенова Амангүл, Әмір Мұратбеков зағип оқырмандары қатысып, үш минуттың арасында шығармадан үзінді оқып, екі минут диктант жазды.

Іс шараға Көкшетау қалалық ақпараттық кітапхана жүйесінің басшысы, Қазақстан Жазушылар одағының мүшесі, С.С. Жетпісқалиев, Ақмола облыстық қазақ зағиптар қоғамының төрайымы М.В. Тәңірбергенова, Оқу-өндірістік кәсіпорын директоры К.Я. Кравченко, «Альфа - 2030» корпоративтік қор басшысының көмекшісі Н. Оладько, Оқу-өндірістік кәсіпорын клубының меңгерушісі С.А. Оладько және кітапхана оқырмандары қатысты.Сайысқа «Альфа -2030» корпоративтік қор басшысы В.А. Селиванов, Ақмола облыстық қазақ зағиптар қоғамы,төрайымы М.В.Тәңірбергенова демеушілік көрсетті. Сайыс барысында әр топтан Мария Рванцова, Елена Логунова, Ульяна Королькова, Давыдова Вероника жеңімпаздар атанып, сыйлық пен алғыс хаттармен марапатталынды.

Мақаланың шыққан күні: 16.11.2022

Қаралым саны: 9900