Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«КӨКШЕТАУ– ЖЫР ҚҰШАҒЫНДА»

 «Салтанат сарайы» жанындағы қалалық үлгілі кітапханасында «Кітапхана және Жастар» жобасы аясында «Көкшетау  – жыр құшағында» атты мәнерлеп өлең оқу  байқауы өтті.Шараға Көкшетау қаласының мәдениет, тілдерді дамыту, дене шынықтыру және спорт бөлімінің басшысы К.Ә. Уразбаева, «Аmanat» партиясының  Ақмола облыстық филиалының атқарушы хатшысының орынбасары А.А.Әлімбетова, Қазақстан халқы Ақмола  ассамблеясы жанындағы Аналар кеңесінің төрайымы А.Қ.Жахина, бұқаралық ақпарат құралдарының өкілдері қатысты.Жыр додасына Көкше еліне деген сүйіспеншіліктерін жергілікті ақындардың   өлеңдері арқылы жеткізу үшін Көкшетау қаласының жеті арнаулы орта  білім беретін мекемесінен 27 үміткер қатысты.  Қазылар алқасына төрағалықты белгілі қоғам қайраткері, тіл және мәдениет жанашыры қарымды қаламгер  Қ. Б. Төлекеев жүргізді. Қазылар алқасының құрамында Қалалық ақпараттық кітапхана жүйесінің басшысы, Қазақстан Жазушылар одағының мүшесі, ақын, жазушы С. С.Жетпісқалиев, Жастар ресурстық орталығының маманы  С.О. Негметуллина  жұмыс жасады.      Байқау қорытындысы бойынша Бас жүлдені Ақан сері атындағы жоғары мәдениет колледжінің студенті Жанболат Шрайденов қанжығасына байлады. І дәрежелі диплом иелері Жоғары техникалық колледжінің  студенті Талғат Алдияр, Ш.Уәлиханов атындағы Көкшетау университеті жанындағы көпсалалы колледжінің студенті Әбіш Мөлдір, ІІ дәрежелі диплом иелері Ақан сері атындағы жоғары мәдениет колледжінің студенттері Жанұзақ Айбар, Қайырбекқызы Бибінұр, ҚР ТЖМ Мәлік Ғабдуллин атындағы Азаматтық қорғау академиясының курсанты Тұрарбек Диас, Ш.Уәлиханов атындағы Көкшетау университеті жанындағы көпсалалы колледжінің студенті Бөкен Анажан  атанды. ІІІ дәрежелі дипломдар Ж.Мусин атындағы Көкшетау жоғары қазақ педагогикалық колледжінің студенті Гүлден Сақтағанға,  Ш.Уәлиханов атындағы Көкшетау университеті жанындағы көпсалалы колледжінің студенттері Айзат Қалиеваға, Ботагөз Күнтуғанға, Дарина Сетімбетоваға, Ақан сері атындағы жоғары мәдениет колледжінің студенті Мұхамедали Оспановқа табысталды. Жүлделі орын алған байқау қатысушыларына бағалы сыйлықтар берілді.  Белсенді  қатысқан студенттер  мен ұстаздар Алғыс хаттармен марапатталды.

Мақаланың шыққан күні: 02.12.2024

Қаралым саны: 87