Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«КІТАПХАНАШЫ – МӘРТЕБЕЛІ МАМАНДЫҚ»

Көкшетау қаласының мәдениет, тілдерді дамыту, дене шынықтыру және спорт бөлімінің қолдауымен қазанның 21 күні, Кітапханашылар күні мерекесіне орай, «Кітапханашы – мәртебелі мамандық» тақырыбында Қалалық ақпараттық кітапхана жүйесінің кітапханашылары арасындағы байқау ұйымдастырылды. Бүгінде рухани өміріміздің өзегі іспеттес ғылымды көпшілік оқырманға, ертеңгі ел тізгіні ұстар жас жеткіншек ұрпаққа насихаттауда, рухани мәдени байлығымызды ұрпақтан - ұрпаққа жеткізуші кітапхана болса, сол байлықты өз оқырманына таныстырып, табыстырушы тұлға, ол – кітапханашы.

Байқаудың негізгі мақсаты: Кітап-сарқылмас рухани қазына дей келе, білімнің кітап арқылы берілетінін ұғындыру. Кітаптың адам өміріндегі маңызы, ғылым мен білімнің пайдасы жайлы түсіндіру. Оқырмандардың кітапқа деген қызығушылығын арттыру.

Іс шара барысында «Мемлекеттік тіл және кітапхана» атты кітап көрмесі ұйымдастырылып қатысушылар өз кітапқа шолуларын жасады.

Үш кезеңнен тұратын байқауға кітапхана филиалдарынан 9 үміткер қатысып,   өз кәсібіи мамандық жұмыстарын көрсетті. Байқауды қортындылай келе 3-ші, орынды Бірлік қалалық үлгілі кітапхана қызметкері Каримжан Дана Айдарханқызы, 2-ші орынды Зағип және нашар көретін азаматтардың қалалық арнаулы кітапхана қызметкері Токкожина Гаухар Абдильдаевна мен Орталық қалалық үлгілі кітапхана қызметкері Икласова Эльмира Кадирбековна, 1-ші дәрежелі орынды Орталық қалалық балалар және жасөспірімдер үлгілі кітапханасы қызметкері Кошембаева Динара Буркитбаевна мен Қазақ қалалық   үлгілі кітапхана қызметкері Назыбаева Жанеля Қайдарқызы иеленіп, диплом және арнайы сыйлықтармен марапатталынды. Барлық қатысушыларға алғыс хаттар табысталды.

Мақаланың шыққан күні: 22.10.2024

Қаралым саны: 1676