Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

КІТАПХАНА –ДАНАЛЫҚ МЕКЕНІ

Қазіргі уақытта Қалалық ақпараттық кітапхана жүйесінің құрамында 12 кітапхана бар. Әр кітапхана өз жұмысын белгіленген кешенді мақсатты бағдарлама арқылы жүргізеді: Қалада кітапхана жұмысын ұйымдастырумен жеке және бұқаралық жұмыстың әртүрлі нысандарын пайдалана отырып, пайдаланушыларға кітапханалық-ақпараттық қызмет көрсетуді жүзеге асыратын 44 маман айналысады. Бүгінде қалалық кітапханалардың жалпы кітап қоры 188 850 дананы құрайды, оның ішінде мемлекеттік тілде – 96175 дана кітап бар.Қазіргі уақытта мұнда қоғамдық санада кітап пен оқудың жоғары беделін сақтауға, туған өлкенің тарихына, белгілі тұлғаларға қызығушылықты оятуға, ұлттық мәдени құндылықтарды насихаттауға, өнерге, халық қолөнеріне танымдық қызығушылықты арттыруға, өскелең ұрпақтың бойында патриоттық сезімді қалыптастыруға бағытталған 11 жаңашыл  жоба,15 клуб іске асып, жұмыс атқаруда.  24 қазан - кітапханашылар күніне орай, Қазақстан Республикасы Ұлттық кітапханасының  атынан Қазақстандық Кітапханалық Одақтың «Қазақстанның құрметті кітапханашысы»  төсбелгісімен Орталық қалалық үлгілі кітапхана қызметкері  Ибраева Зауреш Темиргалиевна, Зағип және көзі нашар көретін азаматтардың қалалық арнаулы кітапхана меңгерушісі Сагындыкова Жадра Набиевна марапатталынды.  Сонымен қатар    «АMANAT» партиясы  Ақмола облыстық филиалының төрағасы Б.Беспалинов,  «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігі төрайымы С.Иманқұлова, Көкшетау қаласының   мәдениет, тілдерді дамыту, дене шынықтыру және спорт бөлімінің басшысы К.Оразбаева, Қалалық ақпараттық кітапхана жүйесінің басшысы   С. Жетпісқалиевтің, №5510 әскери бөлімінің    атынан кітапханашыларға алғыс хаттар табысталды.

Мақаланың шыққан күні: 25.10.2024

Қаралым саны: 23