Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«Менің ұзақ жылғы еңбегім»

«Менiң ұзақ жылғы еңбегiм» кiтапхана iсiнiң ардагерi А.Е.Жағыпаровамен кездесуi

29 наурыз «Достар» мәдениет сарайының көпфункционалды залында кiтапхана iсiнiң ардагерi, көп жыл Қалалық ақпараттық кiтапхана жүйесiнiң директоры қызметiн атқарған Алтын Ерiшқызы Жағыпаровамен кездесу өттi. Мақсаты: өскелең ұрпаққа еңбек ардагерiнiң тәжiрибесiн үлгi етiп, кiтапхана мамандығының беделiн көтеру.

Кездесуге Алтын Ерiшқызымен бiрге еңбек етiп, тығыз қарым-қатынаста болған қонақтар шақырылды. Атап айтсақ, Терещук Виктор Александрович, Тынымбаев Шаймұрат Жарұлы, Какабаев Еркiн Елтайұлыжәне т.б.,жақын туыстары: Серiк Ерiшұлы и Елубаева Клара Едiлқызы, Мұрат Ерiшұлы мен Тұрымтай Уәлибекқызы Елубаевтар, Тұрлыбекова Гүлнар Жұмабайқызы, немересi Роза ұлымен бiрге, әрдайым қолдау көрсетiп жүрген Әлiбек Құсайынұлы мен Шамшабану Жұмаханқызы, талай жыл Алтын Ерiшқызымен бiрге еңбек еткен әрiптестерi: Яковлева Валентина Викторовна, Кенжебаева Алма Есләмқызы, Ахметова Мүбәрак Байкеновна және т.б., Көкшетау қаласының мәдениет және тiлдердi дамыту бөлiмiнiң басшысы Сабитова Айгуль Баубекқызы, Қалалық ақпараттық кiтапхана жүйесiнiң директоры Әбiшева Айгүл Амангелдiқызы, Ақан серi атындағы мәдениет колледжiнiң кiтапхана iсi бөлiмiнiң студенттерi және Қалалық ақпараттық кiтапхана жүйесiнiң қызметкерлерi.

Кездесу барысында Алтын Ерiшқызы естелiктерiмен бөлiсiп, өмiрiнiң қызықты сәттерiнен сусындатты. Қонақтар жылы лебiздерiн бiлдiрiп, жүрекжарды тiлектерiн арнады. Iс-шара кейiпкерге арналған видеоролик пен слайдтың сүйемелдеуiмен, бойды тербеткен әсем әуенмен толықтырылды.

        

Мақаланың шыққан күні: 29.03.2017

Қаралым саны: 54715