Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«Өнердің сара жолымен»

Қалалық қазақ кiтапханасында Әдеби — мәдени мұраларды жаңғырту, жас ақындардың шығармашылығына қолдау көрсету және насихаттау мақсатында «Өнерге құштар өрендер» атты жобаның тұсауы «Әдебиет аталымы бойынша» Қазақстан Республикасының мемлекеттiк «Дарын» жастар сыйлығының иегерi, «Шабыт» Халықаралық фестивалiнiң дипломанты, Тәуелсiздiгiмiздiң 25 жылдығына арналған ақын — жазушылар арасындағы «Ауылым — алтын тұғырым» атты әдеби — онлайн байқауындағы «Ауыл тақырыбындағы үздiк драматургия» аталымы бойынша жүлделi 1 шi орынның жеңiмпазы, Ш.Құсайынов атындағы қазақ- музыкалық драма театрының актерi, жас қаламгер Манарбек Қыдырбайдың шығармашылығына арналған «Өнердiң сара жолымен» атты кездесу кешiмен ашылды.

Шараға «Нұр Отан» партиясы, «Жас Отан» ЖҚ, Көкшетау қаласының Мәдениет және тiлдердi дамыту бөлiмiнiң басшысы Сәбитова Айгүл Баубекқызы, зиялы қауым өкiлдерi, Ш.Құсайынов атындағы қазақ- музыкалық драма театрының актерлерi, Әдебиет және өнер» музейiнiң қызметкерлерi, БАҚ өкiлдерi, қазақ кiтапханасы жанынан құрылған «Әдеби Көкше әлемi» клубы, Ж.Мусин атындағы Көкшетау жоғары қазақ педагогикалық кооледжiнiң әдеби «Ақ қауырсын» клубы, Ақан серi атындағы Мәдениет колледжiнiң «драма театр актерi» бөлiмiнiң жетекшiсi Бөкешова Маржан Арыстанбекқызы , Ақан серi атындағы Мәдениет колледжi және Бурабай колледжiнiң студенттерi, кiтапхана оқырмандары, қызметкерлерi және қала жастары қатысты.

Шарада Манарбек Қыдырбайдың шығармашылығына арнап, қазақ кiтапханасы дайындаған «Шабыт көкжиегiнде» атты видеофильм көрсетiлдi. Манарбектi өнерге бағыттаған ұстазы Бөкешова Маржан Арыстанбекқызы Манарбек жайлы шағын естелiктермен бөлiстi және Маржан Арыстанбекқызының шәкiрттерi Жұмабек Ермұқан, Сәбит Ақжол кеш қонағының өлеңдерiн жатқа оқыды. Сондай — ақ жас ақындар Қайырболды Серғазы, Күләш Нысанбек, Жақсылық Гүлғайша, Нурислам Әбдiл, Амирхожа Ақмарал, Манарбек Қыдырбайдың өлеңдерiн жатқа оқыса, Манарбектiң ұстазы дәстүрлi әншi Сарсенбай Хасенов пен Амалбек Дiнмухамед кеш құрметiне әннен шашу шашты. Манарбек Қыдырбай да өз шығармашылығынан оқырман қауымға өлеңдерiн оқып бердi. Кешке келген қонақтар жас та болса үлкен жетiстiктерге ие болып жүрген Манарбекке шығармашылық табыс, алда да талай биiк белестердi бағындыруына ақ жол тiледi.

Мақаланың шыққан күні: 17.11.2017

Қаралым саны: 53876