Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«Latyn álіpbıі: álemdіk bіlіm, ulttyq tárbıe»

Qaıta jańǵyrý zamanyndaǵy barlyq ozyq tehnologııanyń úlgisi bolyp otyrǵan latyn álipbıine kóshý, bul — elimiz úshin, ónerimiz ben mádenıetimiz úshin úlken rýhanı qubylys. Latyn álipbıin engizý — halqymyzdyń bilimi men mádenıeti, óneriniń damýyna taǵy bir serpilis ákeletin dara joly.

Atalǵan máseleni qoldaý barysynda Elektrondy kitaphananyń kovorkıng aımaǵynda 10 sáýir kúni Ortalyq qalalyq úlgili balalar men jasóspirimder kitaphanasy Qostanaı qalasynyń A.S. Pýshkın atyndaǵy balalar kitaphanasymen «Latyn álipbıi: álemdik bilim, ulttyq tárbıe» atty onlaın erkin pikir alańyn ótkizdi.

Maqsaty: latyn grafıkasyna kóshýdiń mańyzdylyǵy týraly keńinen aqparat berý, qoǵamdyq pikir qalyptastyrý.

Tele–kópirdiń ashylýynda Kókshetaý qalasy mádenıet jáne tilderdi damytý bóliminiń qalalyq aqparattyq kitaphana júıesiniń dırektory Aıgúl Ábisheva quttyqtaý sóz sóılep, Qostanaı qalasyndaǵy áriptesterimizge jáne qatysyp otyrǵan qonaqtarǵa sáttilik tiledi.

Atalǵan erkin pikir alańynda latyn álipbıine kóshý máselesi, onyń tıimdiligi jóninde óz pikirlerin ashyq bildirý úshin Kókshetaý qalasynyń «Tilderdi oqytý ortalyǵynyń» oqytýshysy Sandýǵash Halelova,

Kókshetaý qalasy mádenıet jáne tilderdi damytý bóliminiń bas mamany Aıgerim Jeksenova, Shoqan Ýálıhanov atyndaǵy Kókshetaý memlekettik ýnıversıteti fılologııa fakýltetiniń stýdentteri,

Janaıdar Mýsın atyndaǵy Kókshetaý joǵary qazaq pedagogıkalyq kolledjiniń stýdentteri, Kókshetaý qalasynyń №6 orta mektebiniń oqýshylary men muǵalimderi qatysty.

Ótkizilgen is-sharanyń barysynda Kókshetaý jáne Qostanaı qalasynan qatysqan til mamandary men stýdentteri óz pikirlerin ortaǵa salyp, kókeılerindegi oılaryn erkin jetkizdi.

Мақаланың шыққан күні: 10.04.2019

Қаралым саны: 46772