Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«ШЕКСІЗ ҒАЛАМ, МЕН СЕНІҢ БІР БӨЛШЕГІҢ...»

Қазақ қалалық үлгілі кітапханасында «Туған өлке» жобасы аясында оқырмандарын тың жаңалыққа толы шығармашылығымен тәнті етіп келе жатқан ақын, жазушы, драматург, жыршы, манасшы, Қазақстанның еңбегі сіңірген қайраткері, бір сөзбен айтқанда сегіз қырлы, бір сырлы талант иесі Баянғали Әлімжановтың 70 жас мерейтойына орай шығармашылығына орай «Шексіз ғалам, мен сенің бір бөлшегің...»  атты  әдеби кеш ұйымдастырылды.Әсерлі де мазмұнды өткен іс-шараға Ш.Уәлиханов атындағы Көкшетау университетінің филология кафедрасының меңгерушісі, филология докторы, қауымдастырылған профессор Қасиет Кәкенұлы, Ш.Уәлиханов атындағы Көкшетау университетінің қазақ тілі мен әдебиеті кафедрасының оқытушысы, филология ғылымдарының кандидаты Шаяхимов Дәулет Қуандықұлы, Ш.Құсайынов атындағы Ақмола облыстық қазақ музыкалық-драма театры әдебиет бөлімінің меңгерушісі, Дарын мемлекеттік жастар сыйлығының лауреаты Манарбек Қыдырбай, Қалалық ақпараттық кітапхана жүйесінің директоры Серік Сапарұлы Жетпісқалиев, Ш.Уәлиханов атындағы Көкшетау университеті жанындағы көпсалалы колледжінің оқытушылары, студенттері және Ж.Мусин атындағы жоғары қазақ педагогикалық колледжінің оқытушылары, студенттері қатысты.  Әдеби кеш барысында жиналған қауымға Баянғали Әлімжановтың арнайы жазып жіберген аудио-сәлемдемесі тыңдатылып, «Баянғали белестері» атты көрме таныстырылды. Ақынның «Түгел түрік баласы», «Күйіп піспе», «Өзінен сұра алдымен», «Өзен де, өзен, өзен жыр» атты шығармаларын жоғарыда аталған оқу орнының студенттері мәнерлеп оқып, кештің сәнін келтіре түсті. Әдеби кеш қонақтары Баянғали Әлімжановтың шығармашылығына, ақындығына, айтыскерлігіне, қаламгердің еңбекқорлығы мен ізденімпаздығы, адамгершілігі мен қарапайымдылығы, жалпы, шығармашылық иесінің сан қырлылығын ашып, жан-жақты баяндап берді.  Кеш соңында қалалық ақпараттық кітапхана жүйесінің басшысы Серік Жетпісқалиев жас ұрпаққа жерлес ақын-жазушылардың шығармашылығын насихаттау жолында атқарып жатқан елеулі еңбегі Ш.Уәлиханов атындағы Көкшетау университеті жанындағы көпсалалы колледжінің қазақ тілі және әдебиеті пәні оқытушысы Нұрбаева Мақпал Рахметуллиновнаға, Ж.Мусин атындағы жоғары қазақ педагогикалық колледжінің оқытушысы Салтанат Маратқызына Алғыс хат табыс етті.

Мақаланың шыққан күні: 27.11.2024

Қаралым саны: 906