Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«ТУҒАН ЖЕРІН ЖЫРЛАҒАН»

«Салтанат» сарайы жанындағы қалалық үлгілі кітапханасында Зеренді ауданының тумасы, жергілікті ақын, қарымды қаламгер, Еңбекшілдер ауданының құрметті азаматы, әдебиет жанашыры Айдос Әбутәліпұлына арналған «Туған жерін жырлаған» тақырыбында тұлға портреті ұйымдастырылды.

Айдос Әбутәліпұлын көзі көрген ел ағалары Көкшетау қаласының құрметті азаматы, «Ардагерлер ұйымы» республикалық қоғамдық бірлестігінің Көкшетау қаласының өкілі, Қазақстан Журналистер одағының мүшесі, белгілі қаламгер Балталы Сәрсенбайұлы Сәрсенбаев және Қалалық ақпараттық кітапхана жүйесінің басшысы, Қазақстан Жазушылар одағының мүшесі, жазушы, ақын Серік Сапарұлы Жетпісқалиев ағаларымыз Айдос Әбутәліпұлының шығармашылығына тоқталды. Жастар Айдос Әбутәліпұлының «Алабас», «Жұмағым», «Шежіре сыр шертеді» кітаптарының редакторларының өз аузынан кітаптардың шығу тарихынан хабардар етті.

Шараға бүгінде Көкшетау қаласында «KOKSHE» әлеуметтік – кәсіпкерлік корпорациясы» акционерлік қоғамында қызмет етіп жүрген қызы Алтын Айдос, Зеренді ветеринарлық инспекциясында жұмыс жасап жүрген Абуталипова Алма Айдосқызы қатысып, жастарға әкесінің асыл қасиеттері , оларға берген өнегелі тәрбиесі жайлы әңгімелеп берді. Қыздары кітапханамызға әкесінің «Жұмағым», «Сеңгір серпін» кітаптарын сыйға тартты.

Көкшетау қаласы, Абай атындағы дарынды балаларға арналған №3 облыстық мамандандырылған мектеп-интернатының оқушылары ақынның «Қазақ деген еліммен мақтанамын», «Туған жер», «Ана тілім аяулым», «Гүлдене бер, Көкшем!» өлеңдерін мәнерлеп оқып берді.

Шара соңында оқырмандар автор шығармаларына арналған көрмемен танысты.

Мақаланың шыққан күні: 01.04.2025

Қаралым саны: 102