Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

Жазушы Жәди Шәкенұлымен кездесу кеші

27 ақпан күнi Қалалық ақпараттық кiтапхана жүйесiмен,Көкшетау қаласының мәдениет және тiлдердi дамыту бөлiмiнiң қолдауымен Қазақстан Жазушылар одағының, Еуразия жазушылар одағының және Шыңжаң Жазушылар одағының мүшесi Жәди Шәкенұлымен «Қазақ жерi — мәңгiлiк бойтұмарым» атты кездесу кешi өткiзiлдi. Көкен Шәкейұлы атындағы ақындар мектебiнiң жетекшiсi Мұхаммед Қоңқаев жазушыға арнауын оқыды. Iс-шара басында жазуышың «Қаралы көш» романынан шағын монолог тыңдалды. Жазушы жастармен еркiн сұхбат құрып, пiкiр алмасты.Арғы беттегi қазақтардың қытай коммунистерiмен болған қиянкескi шайқасы, Алтай, Iле, Тарбағатай өңiрлерiн мекендеген қазақтардың тарихи тартысы, Гималай асып, күллi Еуропаға тарыдай шашылған қазақтардың өмiр жолын тарихи фактiлермен баяндайтын Жәди Шәкенұлының «Қаралы көш» романы жайлы ой бөлiстi.Кездесiудiң құрметтi қонақтары«Арқа ажары» газетiнiң бас редакторы Төреғожа Қайырбай,Ж.Мусин атындағы жоғары педагогикалық колледжiнiң қазақ тiлi және әдебиет факультетiнiң студенттерi және Ш. Уалиханов атындағы Мемлекеттiк университетнiң тарих факультетiнiң студенттерi қатысты. Кеш соңында Төкен Ильястың орындауында «Атамекен» әнi шырқалды.

Мақаланың шыққан күні: 27.02.2019

Қаралым саны: 48788