Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«Azapqa túsken aq joldyq azamattar»

Ýaqyt óte qaıta kelmeıdi. Urpaqtan –urpaqqa jalǵasyn tabady. Keıbir tarıhı oqıǵalar, basqa tarıhı oqıǵalarmen jalǵasyn tabady, biraq olardyń arasynda bizdiń kúnderimizden qanshalyqty alys tursa da, árdaıym este saqtaımyz.

31 mamyr kúni Qalalyq elektrondy kitaphanasynyń qyzmetkerleri saıası qýǵyn-súrgin qurbandaryn eske alý kúnine oraı, Kókshetaý stantsııasynyń jol polıtsııasy basqarmasynyń májilis zalynda «Azapqa túsken aq joldyq azamattar» historic time is sharasyn ótkizdi. Is-sharanyń maqsaty: Qazaq halqynyń ómirindegi bolǵan qaıǵyly oqıǵalarmen tanysý úshin ótkizildi. Elbasymyz 1997 jyldyń 31 mamyr kúni «Asharshylyq jáne repressııa qurbandaryn eske alý kúni» dep atap, jarlyqqa qol qoıǵan. Biz bul kúndi qaraly kún dep atap ótip, ońaı aıta salǵanymyzben, onyń túbinde úlken qaıǵy-qasiret jatyr ekeniń eskeremiz. Árbir qazaqtyń balasy osy qaıǵy-qasiretti umytpaýy kerek. Tarıhqa úńilip qaraıtyn bolsaq, asharshylyq qazaq dalasynda 1929 jyly birinshi ret bolyp, keıin 1932 jyly qaıtalanǵan. Birinshi asharshylyqta birneshe mıllıon halyq qyrylǵan bolsa, ekinshisinde odan da kóp halyq ashtyqtan kóz jumdy. Al qyrylǵannan qalǵandary jan saqtaý maqsatynda basqa elderge bosyp, tozyp ketti. Bunyń barlyǵy qazaq dalasyna jasalǵan qııanat bolatyn.

HH ǵasyrdaǵy saıası qýǵyn-súrgin — myńdaǵan jazyqsyz adamdardyń qany men kóz jasyna sýarylǵan tarıhymyzdyń sherli betteriniń biri bolyp sanalady. Ákimshilik-jazalaýshy júıe eńbektegen sábıdi de, eńkeıgen kárini de, bolmysy názik áıeldi de aıaǵan joq. Bizdiń endigi jerdegi boryshymyz — osy qanquıly jyldardyń oqıǵasyn, onyń jazyqsyz qurbany bolǵan azamattardyń esimderin umytpaý, olardy máńgi este saqtaý.

Is shara barysynda Saıası repressııa týraly «Tarıhtan taǵylym-ótkenge taǵzym » atty beınerolık kórsetildi.

Мақаланың шыққан күні: 31.05.2019

Қаралым саны: 50872