Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

Ұлттың ұлы тұлғасы

Зағип және нашар көретін азаматтардың қалалық арнаулы кітапханасы Мұхтар Әуезовтың 125 жылдығына орай «Көксерек» атты кітабын бедерлі-нүктелі шрифтымен басып шығарып, «Ұлттың ұлы тұлғасы» атты кітап презентациясын ұсынды. Іс шараға Қазақ зағиптар қоғамының Ақмола облыстық филиалының төрайымы М.В.Тәңірбергенова; №10ОМ қазақ тілі мен әдебиет пәнінің мұғалімі Қ.А. Шенгельбаева; зейнеткер- филолог Айтжан Ғабдуллина; Ш.Уәлиханов атындағы көпсалалы колледжінің студенттері – Диляра Жахина, Әмина Қайратова, Елена Ковальжи; кітапхана оқырмандары қатысты. Қонақтар жазушының өмірі мен шығармашылығына тоқталып, «Көксерек» шығармасы бойынша ойларын ортаға салып, басты кейіпкерлер туралы да айтты. Шара барысында бедерлі-нүктелі басылымнан кітапхана оқырмандары – Нұрбек Ахметжанов пен Ульяна Королькова үзінділер оқып, «Көксерек» атты аудиокітаптан да тыңдалым ұсынылып, сонымен қатар шығармадан үзінді үш тілде – мемлекеттік, орыс және ағылшын тілдерінде оқылды. Кітапхана да кітап көрмесі ұйымдастырылды.

Мақаланың шыққан күні: 28.02.2022

Қаралым саны: 13198