Көкшетау қаласының мәдениет, тілдерді дамыту, дене шынықтыру және спорт бөлімінің «Қалалық ақпараттық кітапхана жүйесі» КММ

«Мен Қазақстанда туғанмын» кітабының тұсау кесері

Қазақ қалалық кітапханасында ақын Виктор Осиповтың «Мен Қазақстанда туғанмын» атты кітабының таныстырылымы өтті. Шара Қазақстан Республикасының Тәуелсіздік күні қарсаңында ұйымдастырылып, кездесуге ерекше маңыз бен мән берді. Шараға оқырмандар, автордың шығармашылығын қадір тұтушылар және шығармашылық зиялы қауым өкілдері қатысты. Іс-шараның модераторы Білім беру ісінің құрметті қызметкері, публицист, Қазақстан Журналистер Одағының мүшесі, «Қазақстанның еңбек сіңірген ұстазы» медаль иегері Алия Ахетова жүргізді. Ол өз жылы шырайымен және шабыттандыратын жүргізуімен ерекше атмосфера қалыптастырды. Ақынның өлеңдерін жатқа, әсерлі оқуы мен кешті көркем жүргізуі таныстырылымды жарқын әрі есте қаларлық етті.

Виктор Осипов кітаптың жазылу тарихымен бөлісіп, өзінің түп-тамыры, балалық және жастық шағы, сондай-ақ кітаптың дүниеге келуіне әсер еткен адамдар мен оқиғалар туралы әңгімеледі. Қатысушылар автордың шынайылығын және Қазақстанның мәдениеті мен тарихына қатысты маңызды тақырыптарды көтергенін атап өтті. Бұл мәселелер ұлттық мереке қарсаңында ерекше өзектілікке ие болды.

Қазақ қалалық кітапханасының қызметкерлері ақынның шығармашылығына арналған кітап көрмесін дайындады. Оқырмандарға автордың кітаптары, мақалалары және оның әдеби жолын көрсететін материалдар ұсынылды. Көрме шараның маңызды бөлігіне айналып, оқырмандар мен автордың өзінен де үлкен қызығушылық тудырды.

Қазақ қалалық кітапханасының меңгерушісі Жанар Айтқужина Виктор Осиповқа Қазақстан туралы жүрекжарды өлеңдері үшін, сондай-ақ мазмұнды және шынайы әңгімесі үшін алғыс білдірді. Оның айтуынша, бұл шығарма көптеген оқырманға жақын әрі маңызды дүние болмақ.

Шара қызу пікірталаспен аяқталды, қатысушылар сұрақтарын қойып, өз ойларымен бөлісті.

Мақаланың шыққан күні: 12.12.2025

Қаралым саны: 863